پاکستان اور ھندوستان کے درمیان جامع مذاکرات کے آغاز کے وقت کا تعین دونوں ملکوں کے وزرائے اعظم کے درمیان واشنگٹن میں ھونے والی ملاقات کے بعد کیا جائے گا۔
نیوز ایجنسی ارنا نے پاکستانی میڈیا رپورٹوں کے حوالے سے بتایا ہے کہ پاکستان کے وزیر اعظم میاں نواز شریف اٹھائیس مارچ کو ایٹمی سیکورٹی سے متعلق کانفرنس میں شرکت کے لئے واشنگٹن جائیں گے جس میں ھندوستان کے وزیر اعظم نریندر مودی بھی شریک ھوں گے۔
توقع کی جا رھی ہے کہ اس کانفرنس کے موقع پر پاکستان اور ھندوستان کے وزرائے اعظم کے درمیان ملاقات ھو گی تاھم سرکاری سطح پر ایسی کسی ملاقات کا باضابطہ طور پر اعلان نھیں کیا گیا ہے۔
میڈیا رپورٹوں میں کھا گیا ہے کہ پاکستان اور ھندوستان کے درمیان جامع امن مذاکرات کے روڈ میپ کی تیاری کی غرض سے دونوں ملکوں کے خارجہ سیکریٹریوں کے درمیان ملاقات کا شیڈول، واشنگٹن میں وزیر اعظم نواز شریف اور وزیر اعظم نریندر مودی کے درمیان ملاقات کے بعد طے کئے جانے کی توقع ہے۔
حکومت ھندوستان نے پاکستان کے ساتھ امن مذاکرات کے ازسرنو آغاز کو دو ماہ قبل پٹھان کوٹ ایئر بیس پر ھونے والے دھشت گردانہ حملے کی ٹھوس تحقیقات کے ساتھ مشروط کر دیا تھا جس کے بعد حکومت پاکستان نے ھندوستان کو پٹھان کوٹ کے واقعے کی تحقیقات میں تعاون کا یقین دلاتے ھوئے اپنی تحقیقاتی ٹیم کو بھی ھندوستان روانہ کیا تھا۔
ادھر پاکستان کے مشیر خارجہ سرتاج عزیز نے نیپال میں ھونے والی سارک کانفرنس کے موقع پر ھندوستان کی وزیر خارجہ سشما سوراج سے ملاقات کی تھی جس میں خارجہ سیکریٹریوں کی سطح کے مذاکرات شروع کرنے کے بارے میں تبادلہ خیال کیا گیا تھا۔
پاکستان و ھندوستان کے درمیان جامع مذاکرات کے آغاز کا فیصلہ واشنگٹن میں ھو گا
- Details
- Written by admin
- Category: اھم خبریں
- Hits: 118