مقبوضہ بیت المقدس میں قابض اسرائیلی بلدیہ نے الشیخ جراح کے مقام پر 2 نئے منصوبوں کی منظوری دے دی۔
فلسطینی ذرائع ابلاغ کے مطابق اسرائیلی بلدیہ نے مشرقی بیت المقدس میں الشیخ جراح کے مقام پر جنگ میں ہلاک ہونے اپنے سپاہیوں کی ایک یادگار تعمیر کرنے کی منظوری دی ہے۔
رپورٹ میں کہا گیا ہے کہ الشیخ جراح کے مقام پر 1967ء کی جنگ میں ہلاک ہونے والے صھیونی فوجیوں کی یاد میں چھاتہ بردار بریگیڈ 71 کے فوجیوں کی یادگار تعمیر کی جا رہی ہے جہاں ایک کنٹرول ٹاور اور چھوٹا رن وے بھی بنایا جائے گا۔
ادھر ایک اطلاع کے مطابق صھیونی حکومت نے حی البستان میں بڑے پیمانے پر گھروں کو منہدم کئے جانے کی منصوبہ بندی کی ہے جس پر عنقریب عمل درآمد کیا جائے گا۔
بتایا جاتا ہے کہ صھیونی حکومت کی بلدیہ، علاقے کی یہودی سازی کے منصوبے کے تحت کئی عرصے سے حی البستان میں فلسطینیوں کے سیکڑوں مکانات کو مسمار کرنے کا ارادہ رکھتی ہے۔
حی البستان کی دفاعی کمیٹی کے ایک رکن فخری ابودیاب نے کہا ہے کہ اس محلے میں فلسطینیوں کے 100 گھرانے آباد ہیں جنھیں ان کے گھروں سے بے گھر کرنے کے بعد اس جگہ ایک پارک تعمیر کیا جائے گا۔

Add comment