نائجیریا کی اسلامی موومنٹ کی خواتین نے اس ملک کے دارالحکومت ابوجا میں اس ملک کے شیعہ مسلمانوں کے قائد شیخ ابراهیم زکزکی اور ان کی اھلیہ کی فوری رھائی کا مطالبہ کیا۔
رسا خبر رساں ایجنسی کی رپورٹ کے مطابق نائجیریا کی اسلامی موومنٹ کی خواتین نے اس ملک کے دارالحکومت ابو جا میں انسانی حقوق کمیشن کے دفتر کے سامنے احتجاجی مظاھرہ کرتے ھوئےاس ملک کے شیعہ مسلمانوں کے قائد شیخ ابراهیم زکزکی اور ان کی اھلیہ کی فوری رھائی کا مطالبہ کیا۔ پر امن مظاھرے میں شریک خواتین نے پلے کارڈ اور بینرز اٹھا رکھے تھے جن پر شیخ ابراهیم زکزکی کی رھائی کے نعرے درج تھے۔ مظاھرین کے ھاتھوں میں شیخ ابراهیم زکزکی کی تصاویر بھی تھیں۔
واضح رھے کہ شیخ ابراهیم زکزکی اور ان کی اھلیہ پرنائجیریا کی فوج نے دسمبر 2015 میں حملہ کر کےگرفتار کیا تھا۔ 13 دسمبر 2015 کو نائجیریا کی فوج نے زاریا شھر کی امام بارگاہ پر حملہ کیا جس میں شیخ ابراهیم زکزکی کی تین بیٹوں سمیت سیکڑوں افراد شھید ھو گئے تھے۔
نائجیریا کی عدالت نےشیخ ابراهیم زکزکی اور ان کی اھلیہ کو رھا کرنے کا حکم دیا ہے لیکن فوج اور حکومت عدالتی احکامات سے چشم پوشی کر رھی ہے۔
نائجیریا کے شیعوں کے قائد شیخ ابراهیم زکزکی کی رھائی کے لئے مظاھرے
- Details
- Written by admin
- Category: اھم خبریں
- Hits: 134