رات آئی ہے شبّیر پہ یلغارِ بلا ہے
ساتھی نہ کوئی یار نہ غمخوار رہا ہے
مونِس ہے تو اِک درد کی گھنگھور گھٹا ہے
مُشفِق ہے تو اک دل کے دھڑکنے کی صدا ہے
تنھائی کی، غربت کی، پریشانی کی شب ہے
یہ خانۂ شبّیر کی ویرانی کی شب ہے
دشمن کی سپہ خواب میں مدھوش پڑی تھی
پل بھر کو کسی کی نہ اِدھر آنکھ لگی تھی
ھر ایک گھڑی آج قیامت کی گھڑی تھی
یہ رات بھت آلِ محمّد پہ کڑی تھی
رہ رہ کے بُکا اھلِحرم کرتے تھے ایسے
تھم تھم کے دِیا آخرِ شب جلتا ہے جیسے
اِک گوشے میں ان سوختہ سامانوں کے سالار
اِن خاک بسر، خانماں ویرانوں کے سردار
تشنہ لب و درماندہ و مجبور و دل افگار
اِس شان سے بیٹھے تھے شہِ لشکرِ احرار
مسند تھی، نہ خلعت تھی، نہ خدّام کھڑے تھے
ھاں تن پہ جدھر دیکھیے سو زخم سجے تھے
کچھ خوف تھا چھرے پہ نہ تشویش ذرا تھی
ھر ایک ادا مظھرِ تسلیم و رضا تھی
ھر ایک نگہ شاھدِ اقرارِ وفا تھی
ھر جنبشِ لب منکرِ دستورِ جفا تھی
پھلے تو بھت پیار سے ھر فرد کو دیکھا
پھر نام خدا کا لیا اور یوں ھوئے گویا
الحمد قریب آیا غمِ عشق کا ساحل
الحمد کہ اب صبحِ شھادت ھوئی نازل
بازی ہے بھت سخت میانِ حق و باطل
وہ ظلم میںکامل ہیں تو ھم صبر میں کامل
بازی ھوئی انجام، مبارک ھو عزیزو
باطل ھوا ناکام، مبارک ھو عزیزو
پھر صبح کی لَو آئی رخِ پاک پہ چمکی
اور ایک کرن مقتلِ خونناک پہ چمکی
نیزے کی انی تھی خس و خاشاک پہ چمکی
شمشیر برھنہ تھی کہ افلاک پہ چمکی
دم بھر کے لیے آئینہ رُو ھو گیا صحرا
خورشید جو ابھرا تو لھو ھو گیا صحرا
پر باندھے ھوئے حملے کو آئی صفِ اعدا
تھا سامنے اِک بندۂ حق یکّہ و تنھا
ھر چند کہ ھر اک تھا اُدھر خون کا پیاسا
یہ رُعب کا عالم کہ کوئی پھل نہ کرتا
کی آنے میں تاخیر جو لیلائے قضا نے
خطبہ کیا ارشاد امامِ شھداء نے
فرمایا کہ کیوں درپۓ آزار ھو لوگو
حق والوں سے کیوں برسرِ پیکار ھو لوگو
واللہ کہ مجرم ھو، گنھگار ھو لوگو
معلوم ہے کچھ کس کے طرفدار ھو لوگو
کیوں آپ کے آقاؤں میں اور ھم میں ٹھنی ہے
معلوم ہے کس واسطے اس جاں پہ بنی ہے
سَطوت نہ حکومت نہ حشم چاھئے ھم کو
اورنگ نہ افسر، نہ عَلم چاھیئے ھم کو
زر چاھیئے، نے مال و دِرم چاھیئے ھم کو
جو چیز بھی فانی ہے وہ کم چاھیئے ھم کو
سرداری کی خواھش ہے نہ شاھی کی ھوس ہے
اِک حرفِ یقیں، دولتِ ایماں ھمیں بس ہے
طالب ہیں اگر ھم تو فقط حق کے طلبگار
باطل کے مقابل میں صداقت کے پرستار
انصاف کے، نیکی کے، مروّت کے طرفدار
ظالم کے مخالف ہیں تو بیکس کے مددگار
جو ظلم پہ لعنت نہ کرے، آپ لعیں ہے
جو جبر کا منکر نھیں وہ منکرِ دیں ہے
تا حشر زمانہ تمھیں مکّار کھے گا
تم عھد شکن ھو، تمھیں غدّار کھے گا
جو صاحبِ دل ہے، ھمیں ابرار کھے گا
جو بندۂ حُر ہے، ھمیں احرار کھے گا
نام اونچا زمانے میں ھر انداز رھے گا
نیزے پہ بھی سر اپنا سرافراز رھے گا
کر ختم سخن محوِ دعا ھو گئے شبّیر
پھر نعرہ زناں محوِ وغا ھو گئے شبیر
قربانِ رہِ صدق و صفا ھو گئے شبیر
خیموں میں تھا کھرام، جُدا ھو گئے شبیر
مرکب پہ تنِ پاک تھا اور خاک پہ سر تھا
اِس خاک تلے جنّتِ فردوس کا در تھا
جناب فیض احمد فیض
