نقش جمیل حسنِ نبوت حسین ہے
روشن چراغ قصر رسالت حسین ہے
درِّ ثمین درج کرامت حسین ہے
خورشیدآسمان امامت حسین ہے
اسکا کوئی جواب اگر ہے جھاں میں
تو حضرت حسن ہیں اسی خاندان میں
کرب و بلا کا واقعہ آئینہ دار ہے
اسلام کے چمن میں اسی سے بھار ہے
عالم بہ رنگ صبر و رضا آشکار ہے
جو حشر تک رھے گی یہ وہ یادگار ہے
گھر بار اپنا راہ خدا میں لٹادیا
تبلیغ امر حق کے لیے سر کٹا دیا
دھن تھی شرع جلوہ پہ آئے نہ کچھ زوال
ھر لحظہ تھا حفاظت اسلام کا خیال
جب مذھب اور قوم کا پیدا ھوا سوال
بربادیوں کا دل میں نہ لائے کبھی ملال
تکمیل دین پاک کا سامان کر دیا
اکبر سے نوجوان کو قربان کر دیا
اکبر پہ کیا ہے، عون و محمد سے آفتاب
قاسم سا نوجوان مثال ابو تراب
تازہ تھا جن کے حسن سے اسلام کا شباب
ھر اک تھور اور شجاعت میں انتخاب
ان کی شھادتوں کو پریشانیوں کو دیکھ
دین کے لیے حسین کی قربانیوں کو دیکھ
اس راہ میں ھر عزیز چھٹا آشنا چھٹا
آل نبی پہ ظلم و ستم کون سا چھٹا؟
کنبہ چھٹا دیار رسول خدا چھٹا
سب کچھ ھوا نہ دامن صبر و رضا نہ چھٹا
گو دل پہ لاکھ داغ الم لے گئے حسین
ایثار کا ھمیں یہ سبق دے گئے حسین
ہٹنے نہ پائے جادہ حق سے کبھی قدم
آنے نہ پائے دل میں کبھی مصائب کا کوئی غم
برسائیں آسمان اگر ناوکِ ستم
دم لے نہ ایک دم، رھے جب تک دم میں دم
زخم گلوئے اصغر بے شیر دیکھ لے
قربانی حسین کی تصویر دیکھ لے
غازہ ہے حسن حق کا شھادت حسین کی
اسلام کے چمن میں ہے نزھت حسین کی
روشن ہے مثل مھر امامت حسین کی
کم ھو گی تا بہ حشر نہ دولت حسین کی
تھا خاص سلسلہ جو رسول خدا کے ساتھ
دین خدا بچا لیا صبر و رضا کے ساتھ
کیا تبصرہ ھو راز و نیاز حسین پر
نازاں ہے کائنات نماز حسین پر
قرباں حقیقتیں ہیں مجاز حسین پر
نغمہ سرا جھاں ہے ساز حسین پر
نیرنگیوں کا رنگ عجب دیکھتا ھوں میں
افسوس تجھ کو مھر بہ لب دیکھتا ھوں میں
دعوی تو یہ شراب محبت سے چور ہے
پھر کس لیے حسن کی منزل سے دور ہے؟
پست میں تو ہے چرخ پہ فرق غرور ہے
جوش ولہ ہے اور نہ وفا کا شعور ہے
ہے روح کو سکوں نہ ترے دل کو چین ہے
پھر کس لیے زبان پہ نام حسین ہے؟
عاشق ہے تو حسین کے نقش قدم ھی چل
چاھے خوشی تو جادہ رنج و الم پہ چل
جو وہ بتا گئے ہیں اسی راہ غم پہ چل
سر کا خیال چھوڑ دے تیغ ستم پہ چل
دنیا کی کلفتوں کو مسرت سے جیت لے
اٹھ معرکہ حسین کی صورت سے جیت لے
دنیا ہے رنگ کرب و بلا میں رنگی ھوئی
شکل وفا ہے آج جفا میں رنگی ھوئی
ہے کائنات حسنِ فضا میں رنگی ھوئی
کفنی پھن لے صبر و رضا میں رنگی ھوئی
دیوانہ بن، حسین کی ایسی ادا بنا
اپنے لھو کے داغ کو قبلہ نما بنا
لے روشنی، جمال حسین شھید سے
لے تازگی، خیال حسین شھید سے
لے زندگی، وصال حسین شھید سے
لے چاندنی جلال حسین شھید سے
نام حسین آج بھی تابانیوں میں ہے
کچھ زندگی کا لطف پریشانیوں میں ہے
بنتا ہے تو غلام حسین شھید کا
پیتا ہے روز جام حسین شھید کا
رہتا ہے لب پہ نام حسین شھید کا
سمجھا نہیں پیام حسین شھید کا
خود کام اپنے کام میں تو شاد کام ہے
ہے مبتلا ھوس میں، محبت کا نام ہے
مخفی نھیں ہے راز حسین شھید کا
حق نے اٹھایا ناز حسین شھید کا
یہ سلسلہ دراز حسین شھید کا
ہے نام حق نماز حسین شھید کا
واللہ زیر تیغ بھی سجدہ ادا کیا
تو ان کا نام لیوا ہے اور تو نے کیا کیا؟
ہے جن کی چشم شوق میں رعنائی حسین
ڈرتے نھیں بلا سے وہ سودائی حسین
اعدا کا وہ ھجوم، وہ تنھائی حسین
مجلس میں کھہ رھے ہیں یہ شیدائی حسین
نانک نے کربلا کا مرقع دکھادیا
نظم آج وہ پڑھی کا کلیجا پلا دیا
نانک چند نانک لکھنوی(ھندوستان کا ایک مشھور ھندو شاعر)
