اے سلامی! جذبۂ اخلاص کے روح رواں
پیکرِ ایثار بن کر جس نے دی سب کو اماں
اے سلامی جس کو ورثے میں ملی جود و سخا
ناز کرتی ھی رھے گی حشر تک جس پر وفا
پرچم ِانسانیت کے وارثوں پر ھو سلام
دین کے ان جانثاروں ھادیوں پر ھو سلام
مصطفی ۖکے لال کو حیدر کے پیارے کو سلام
فاطمہ زھرا تری آنکھوں کے تارے کو سلام
اصغرِ معصوم تیری بے زبانی کو سلام
اکبرِ نوخیز تری نوجوانی کو سلام
زینبِ دلگیر کے تشنہ دھانوں کو سلام
ریگذارِ کربلا تیرے مکینوں کو سلام
مذھبِ اسلام کے روشن ستاروں کو سلام
بحرِ طوفاں و حوادث کے کناروں کو سلام
بے ردا کلثوم و زینب کی اسیری کو سلام
شام کے دربار میں ان کی دلیری کو سلام
جناب سید ذوالفقار نقوی صاحب(کشمیرھند)
