اردن کی 89 ممتاز شخصیات نے حزب اللہ لبنان کے سربراہ سید حسن نصر اللہ کے نام ایک خط میں لبنان کے دلیر، نڈر اور بےباک مجاھد کی
اسرائيل کے خلاف کامیابیوں کو عرب اقوام کے لئے باعث فخر قراردیتے ھوئے لبنان کی طرح شام کے دفاع کو واجب قراردیا ہے۔
اردن کی ممتاز شخصیات میں اعلی فوجی، مختلف قبائل، اردن کی پارلیمنٹ کے موجودہ اور سابق ارکان اور یونیورسٹیوں کے استاذہ شامل ہیں۔
اردنی شھریوں نے اپنے خط میں شامی حکومت کے دفاع کو واجب قراردیتے ھوئے شام کی حمایت کرنے پر سید حسن نصر اللہ کا شکریہ ادا کیا ہے۔ اردن کی ممتاز شخصیات نے اپنے خط میں اسرائيل کی طاقت کے طلسم کو توڑنے پر حزب اللہ لبنان کا شکریہ ادا کرتے ھوئے لکھا ہے کہ حزب اللہ لبنان نے قومی اور دینی غیرت کا مظاھرہ کرتے ھوئے لبنان کی سرزمین کو غاصب صھیونیوں سے آزاد کرالیا جبکہ اردن، مصر اور دیگر عرب حکومتیں اپنی سرزمین کو ابھی تک غاصب صھیونیوں سے آزاد نھیں کراسکی ہیں۔ اردنی شخصیات نے عرب اقوام کے باھمی اتحاد پر تاکید کرتے ھوئے امریکہ ،اسرائيل اور عرب ڈکٹیٹروں کی حمایت میں لڑنے والے سلفی وھابیوں سے نفرت اور بیزاری کا اظھار کیا ہے جو اسلام اور مسلمانوں کے لئے ننگ و آر کا باعث بنے ھوئے ہیں۔
