غاصب صھیونی حکومت نے دو ہفتوں کے دوران فلسطینیوں کے درجنوں مکانات کو مسمار کردیا ہے۔
اطلاعات کے مطابق اقوام متحدہ میں انسانی حقوق کے ادارے نے اپنی ایک رپورٹ میں بتایا کہ صھیونیوں نے غرب اردن کی ایک رہائشی کالونی الاغوار میں واقع فلسطینیوں کے 69 مکانات کو مسمار کر دیا ہے۔
اس رپورٹ کے مطابق غرب اردن میں واقع الاغوار نامی کالونی میں ان مکانات کی مسماری کے سبب 80 سے زیادہ فلسطینی بے گھر ہو گئے ہيں۔
الاغوار کالونی میں غاصب صھیونیوں نے فلسطینیوں کے 25 گھروں پر قبضہ کر لیا ہے۔
دوسری جانب بتایا جاتا ہے کہ الخلیل کے علاقے میں "خشم الدرج" نامی کالونی میں بھی فلسطینیوں سے جبری طور پر ان کے گھروں کو خالی کرایا جا رہا ہے۔
اقوام متحدہ کے انسانی حقوق سے متعلق ادارے کی رپورٹ میں بتایا گیا ہے کہ غرب اردن کے مختلف علاقوں میں ہونے والی جھڑپوں میں صھیونی فوجیوں نے درجنوں فلسطینیوں کو گولی مار کر زخمی کر دیا ہے، جبکہ اس دوران گرفتار کئے گئے فلسطینیوں کی تعداد 125 بتائی جاتی ہے۔

Add comment