بین الاقوامی جوھری توانائی ایجنسی کے ڈائریکٹر ایران کے دورے پر تہران پہنچ گئے ۔
عالمی ایٹمی توانائی ایجنسی کے ڈائریکٹر رافیل ماریانو گروسی ایران کے دورے میں منگل اور بدھ کوایرانی حکام کے ساتھ ملاقات کریں گے۔
ویانا میں تعینات بین الاقوامی تنظیموں میں ایران کے سفیر اور مستقل نمائندے کاظم غریب آبادی نے اپنے انسٹاگرام پیج پرکہا ہے کہ بین الاقوامی جوھری توانائی ایجنسی کے ڈائریکٹر رافیل ماریانو گروسی کے دورہ ایران کا، ایران کے خلاف اسنیپ بیک میکنزم کے نفاذ کی امریکی درخواست سے کوئی تعلق نہیں ہے۔
انھوں نے کہا کہ گروسی کے دورہ ایران کا مقصد ایران اور عالمی جوہری ادارے کے درمیان تعاون کا سلسلہ جاری رکھنا ہے۔
انہوں نے کہا کہ ان کا دورہ ایران کے خلاف اسنیپ بیک میکنزم کے نفاذ کی امریکی درخواست سے کوئی تعلق نہیں ہے اور وہ امریکہ کی درخواست پر نہیں بلکہ ایران کی دعوت پر تہران کا دورہ کر رہے ہیں۔
