آیت اللہ خامنہ ای:
رھبر معظم انقلاب اسلامی نے فرمایا ھے کہ پیڑ پودے تمام ملکوں اور انسانی معاشرے کے لۓ باعث برکت ہیں۔
حضرت آیۃ اللہ العظمی امام خامنہ ای نے آج دار الحکومت تھران میں ھفتۂقدرتی ذخائر و درختکاری کی مناسبت سے درختوں کے دو پودے لگانے کے بعد فرمایا کہ پیڑ پودے تمام ملکوں اور انسانی معاشروں کے لۓ برکت و رونق اور آبادکاری کا باعث ہیں ۔ درختوں کی حفاظت اور انھیں کاٹنے سے روکنے پر دین اسلام میں بڑی تاکید کی گئی ھے ۔ رھبر معظم انقلاب اسلامی نے بڑے شھروں کے اطراف کے علاقوں پر غیر قانونی اور ناجائز قبضوں کو روکنے کی اھم ضرورت پر تاکید کرتے ھوۓ فرمایا کہ درختکاری اور جنگلات کی حفاظت کے شعبے سے وابستہ حکام سے شکوہ اور گلہ یہ ہے کہ کبھی سیکڑوں درخت وھاں سے کاٹ دیۓ جاتے ہیں جھاں سے نھیں کاٹنا چاھیۓ۔ آپ نے فرمایا کہ بڑے شھروں کے اطراف کے علاقوں کی زمینوں پر غاصبانہ قبضوں کے علاوہ بعض مفاد پرست افراد ان ھرے بھرےعلا قوں اور چمن زاروں کو سیمنٹ اور بلند وبالا عمارتوں میں تبدیل کر دیتے ہیں اور ایران کے جنگلات کو بھی خطرہ لاحق ھے ۔ رھبر معظم انقلاب اسلامی نے صراحت کے ساتھہ فرمایا کہ شھروں کے اطراف کے چمن زاروں کی نابودی خاص طور سے جنگلات کی تباھی انسانی معاشرے کو متعدد مشکلات سے دوچار کرنے کا باعث بنے گی لھذا حکومت، پارلیمنٹ، عدلیہ ، اور بلدیہ کے تمام حکام کو چاھیۓ کہ اسے روکنے کے لۓ ٹھوس اقدام کریں ۔
