ایران کی جوھری توانائی کی تنظیم کے سربراہ نے کہا ہے کہ ہم نے پائیدار آسوٹوپ کی افزودگی اور اس سے متعلقہ ٹیکنالوجی کو حاصل کر لیا ہے۔
اسلامی جمھوریہ ایران کی جوھری توانائی کی تنظیم کے سربراہ علی اکبر صالحی نے کہا کہ ہم نےمستحکم آسوٹوپ (stable isotope) کی افزودگی اور اس سے متعلقہ ٹیکنالوجی کی سائنس کو حاصل کیا ہے اور ایران ان چند ممالک میں سے ایک ہے جو مستحکم آسوٹوپس تیار کرنے کی صلاحیت رکھتا ہے۔
انھوں نے کہا کہ ایران نے اس سمت میں بڑی پیشرفت کی ہے اور ان چند ممالک میں سے ایک ہے جس کو مستحکم آسوٹوپس تیار کرنے کی صلاحیت حاصل ہو گئی ہے۔
علی اکبر صالحی نے کہا کہ جوھری توانائی کی تنظیم ایرانی طاقت کی علامتوں میں سے ایک ہے اگرچہ ایران کی پرامن جوھری سرگرمیوں کو ہمیشہ سامراجی طاقتوں کے چیلنجوں کا سامنا رہا ہے تاہم ہم نے ہمیشہ اس حوالے سے کامیابی حاصل کی۔
واضح رھے کہ گیس سینٹرفیوگیشن طریقہ کے ذریعہ مستحکم آسوٹوپ کی تیاری کے منصوبے کے دوسرے فیز کے بنیادی ڈھانچے کی تعمیر کے آغاز کی تقریب ہفتے کے روز ایرانی جوھری ایٹمی ادارے کے سربراہ علی اکبر صالحی، اس تنظیم کے معاونوں اور مینیجرز کی موجودگی میں فردو کے جوھری مرکز میں منعقد ہوئی۔

Add comment