حضرت امام علي عليہ السلام کا مقام بھت ھي اعلي ہے اور جتنے اقوال مبارک حضرت علي عليہ السّلام کے بارے ميں احاديث نبوي ميں موجود ہيں، کسي اور صحابي رسول کے بارے ميں نھيں ملتے-
حضور صلي اللہ عليہ و آلہ و سلم فرماتے ہيں -- سبحان اللہ .. چند احاديث مبارک کي روشني ميں مولائے کائينات و متقيان حضرت علي عليہ السلام کي شان مبارک ديکھئے …
۱۔علي مجھ سے ہيں اور ميں علي سے ھوں۔
۲۔ ميں علم کا شھر ھوں اور علي اس کا دروازہ ہے۔
۳۔ تم سب ميں بھترين فيصلہ کرنے والا علي ہے۔
۴۔علي کو مجھ سے وہ نسبت ہے جو ھارون کو موسيٰ عليہ السّلام سے تھي۔
۵۔علي مجھ سے وہ تعلق رکھتے ہيں جو روح کو جسم سے يا سر کو بدن سے ھوتا ہے-
۶۔علي خدا اور رسول کے سب سے زيادہ محبوب ہيں۔
۷۔ مباھلہ کے واقعہ ميں حضرت علي کرم اللہ وجھہ کو نفسِ رسول کا خطاب ملا.
۸۔عملي اعزاز يہ تھا کہ مسجد ميں سب کے لئے دروازے بند ھوئے تو علي کرم اللہ وجھہ کے لئے دروازہ کھلا رکھا گيا.
۹۔جب مھاجرين و انصار ميں بھائي چارہ کيا گيا تو حضرت علي عليہ السلام کو پيغمبر نے اپنا دنيا واخرت ميں بھائي قرار ديا۔
۱۰۔غدير خم کے ميدان ميں ھزاروں مسلمانوں کے مجمع ميں حضرت علي کو اپنے ھاتھوں پر بلند کر کے يہ اعلان فرما ديا کہ جس کا ميں مولا (مددگار، سرپرست) ھوں اس کا علي بھي مولا ہيں-
"عَنْ اِبْنِ عباس، عَنِ النَّبِي قٰالَ لِاُمِّ سَلَمَۃ:يَااُمِّ سَلَمَۃَ اِنَّ عَلِيًّا لَحْمُہُ مِنْ لَحْمِيْ وَدَمُہُ مِنْ دَمِيْ وَھُوَ بِمَنْزِلَةِ ھَارُوْنَ مِنْ مُوْسٰي اِلَّا اَنَّہُ لَا نَبِيَّ بَعْدِي"-
حديث ِمنزلت ِامام علي عليہ السلام ايک نھايت ھي اھم اور معتبر ترين حديث ِ پيغمبر اسلام ہے جو حضرت علي عليہ السلام کي شان ،مقامِ عالي اور منزلت کا پتہ ديتي ہے- البتہ يہ حديث کئي اور ذرائع اور مختلف طريقوں سے بھي بيان کي جاتي ہے- مندرجہ بالا حديث ميں رسولِ خدا صلي اللہ عليہ وآلہ وسلم جنابِ اُمِ سلمہ سے مخاطب ہيں- ليکن ابوھريرہ سے يہ روايت(اس روايت کو ابن عساکر نے ترجمہ تاريخ دمشق ،جلد۱،حديث۴۱۲ميں اس طرح نقل کيا ہے)اس طرح سے منقول ہے:
"اِنَّ النَّبي قٰالَ بِعَلِيٍّ عَلَيْہِ السَّلَام: يَاعَلِيُّ اَنْتَ بِمَنْزِلَۃِ ھَارُوْنَ مِنْ مُوْسٰي اِلَّا النَّبُوَّةَ"-
"پيغمبر اسلام نے حضرت علي عليہ السلام سے ارشاد فرمايا:"يا علي ! آپ کي نسبت مجھ سے ايسي ہے جيسي ھارون کي موسيٰ عليہ السلام سے تھي، سوائے نبوت کے"-
ایک دوسری حدیث میں ہے:
"ابن عباس سے روايت کي گئي ہے کہ رسولِ خدا صلي اللہ عليہ وآلہ وسلم نے جنابِ اُمِ سلمہ سے فرمايا :’اے اُمِ سلمہ! بے شک علي کا گوشت ميرا گوشت ہے، علي کا خون ميرا خون ہے اور اُس کي نسبت محمد سے ايسي ہے جيسي ھارون کي موسيٰ سے تھي سوائے اس کے کہ ميرے بعد کوئي نبي نھيں آئيگا"-
حوالہ جاتِ روايت اھلِ سنت کي کتب سے:
۱۔ابن عساکر، تاريخ دمشق،شرح حالِ امام علي ، جلد۱،حديث۴۰۶6،۳۳۶سے لے کر
۴۵۶تک-
۲۔احمد بن حنبل، مسند سعد بن ابي وقاص ، جلد۱،صفحہ۱۷۷،۱۸۹اورنيز الفضائل ميں،
حديث۷۹،۸۰-
۳۔ابن ماجہ قزويني اپني کتاب ميں، جلد۱،صفحہ۴۲،حديث ۱۱۵-
۴۔بخاري،صحيح بخاري ميں،جلد۵،صفحہ۸۱،حديث۲۲۵(فضائلِ اصحاب النبي )-
۵۔ ابي عمريوسف بن عبداللہ، استيعاب ،ج۳،ص۱۰۹۷اورروايت۱۸۵۵کے ضمن ميں۔
۶۔ابونعيم، کتاب حلية الاولياء ، جلد۷،صفحہ۱۹۴-
۷۔بلاذري، کتاب انصاب الاشراف، ج۲،ص۹۵،حديث۱۵،اشاعت اوّل بيروت۔
۸۔ شيخ سليمان قندوزي حنفي، کتاب ينابيع المودة، باب۶،صفحہ۵۶،۱۵۳-
۹۔ابن مغازلي،کتاب مناقب ميں،حديث۴۰،۵۰،صفحہ۳۳-
۱۰۔حاکم، المستدرک ميں، جلد۳،صفحہ۱۰۸-
۱۱۔ابن کثير،کتاب البدايہ والنھايہ ،جلد۸،صفحہ۷۷-
۱۲۔ گنجي شافعي، کتاب کفاية الطالب ميں، باب۳۷،صفحہ۱۶۷-
۱۳۔ذھبي، کتاب ميزان الاعتدال ميں، جلد۲،صفحہ۳،حديث۲۵۸۶-
14- حافظ الحسکاني، کتاب شواہد التنزيل ميں، حديث656-
15- سيوطي،کتاب اللئالي المصنوعة،جلد1،صفحہ177،اشاعت اوّل-
16- ابن حجر عسقلاني،کتاب لسان الميزان ميں، جلد2،صفحہ324-
