رھبر انقلاب اسلامی حضرت آیت اللہ خامنہ ای نے جلیل القدر صحابی حجر بن عدی کے مزار کی بےحرمتی کے تلخ اور غم انگیز واقعہ کی طرف اشارہ کرتے ھوئے
اس بات پر زور دیا ہے کہ جو چیز اس واقعہ کی تلخی میں اضافہ کرتی ہے، وہ امت اسلامی میں پلید، رجعت پسند اور پسماندہ افکار کے حامل بعض افراد کا وجود ہے کہ جو صدر اسلام کی بزرگ، ممتاز اور نورانی شخصیات کی تعظیم و تمجید کو شرک سمجھتے ہیں۔
رھبر انقلاب اسلامی نے ایران میں صدارتی اور بلدیاتی انتخابات کے منتظمین سے آج ملاقات میں جلیل القدر صحابی حجر بن عدی کے مزار کی بےحرمتی کے تلخ اور غم انگیز واقعہ کی طرف اشارہ کرتے ھوئے اس بات پر زور دیا ہے کہ جو چیز اس واقعہ کی تلخی میں اضافہ کرتی ہے، وہ امت اسلامی میں پلید، رجعت پسند اور پسماندہ افکار کے حامل بعض افراد کا وجود ہے کہ جو صدر اسلام کی بزرگ، ممتاز اور نورانی شخصیات کی تعظیم و تمجید کو شرک سمجھتے ہیں۔
رھبر انقلاب اسلامی حضرت آیۃ اللہ العظمی سید علی خامنہ ای نے گيارھویں صدارتی انتخابات میں عوام کی بھرپور شرکت کو ملک کی ترقی و پیشرفت کی ضامن قرار دیا ہے۔
انھوں نے نگراں اداروں، منتظمین اور امیدواروں کی جانب سے تمام مراحل میں قانون کا دقیق خیال رکھنے کی ضرورت پر دیتے ھوئے فرمایا کہ گزشتہ چونتیس برسوں کے دوران منعقد ھونے والے تمام انتخابات میں عوام کی بھرپور موجودگی نے ھر بار ملک سے کئی مصیبتوں کو دور کیا ہے اور ملک ملت اور انقلاب کے پیکر میں ایک نئي طاقت اور روح پھونکی ہے۔ رھبر انقلاب اسلامی نے انتخابات کو ایک بیش قیمت اور عظیم قومی اور اسلامی امانت قرار دیتے ھوئے فرمایا کہ نگھبان کونسل، نگراں ادارے اور انتظامیہ اور انتخابات میں امن و امان قائم رکھنے کے ذمہ دار ادارے اس عظیم امانت کے امین ہیں اور ان کے کاندھوں پر بھت ھی اھم ذمہ داری ہے۔
رھبر انقلاب اسلامی نے ایران کے گيارھویں صدارتی انتخابات بعض جھات سے ماضی سے زیادہ اھم قرار دیتے ھوئے فرمایا کہ اسلامی جمھوریہ یعنی ملت کی بھرپور موجودگی اور عظیم امنگوں اور آرزوؤں کو حاصل کرنے کے لیے عوام کی حرکت، اور دشمن اسی نکتے کا ادراک کرتے ھوئے عوام کو شرکت اور انتخابات کی رونق کو کم کرنے کوشش کر رھا ہے۔
