سلفی وھابی گروھوں کے سینکڑوں افراد نے اردن کے جنوب میں صحابی رسول حضرت جعفر طیار(ع) کے مزار پر حملہ کر کے اسے آگ لگا دی۔
تسنیم نیوز ایجنسی کی رپورٹ کے مطابق شام میں سرگرم دھشت گرد گروہ النصرہ محاذ کے دھشت گردوں کے ھاتھوں صحابی رسول(ص) حجر بن عدی(رض) کے مزار کی تباھی کے بعد اردن کے جنوبی علاقے الکرک میں تکفیری گروھوں کے سینکڑوں افراد نے صحابی رسول(ص) اور حضرت علی علیہ السلام کے بھائی جعفر طیار بن ابی طالب کے مزار کو آگ لگا دی۔
سلفی گروھوں کی جانب سے صحابہ اور مسلمانوں کے مقدس مقامات پر حملوں اور ان کی بےاحترامی پر عالم اسلام میں غم و غصے کی لھر دوڑ گئي ہے اور ان واقعات کی مذمت کا سلسلہ جاری ہے۔
ایرانی پارلیمنٹ کے اسپیکر ڈاکٹر علی لاریجانی اور نائب وزیر خارجہ حسین امیر عبداللھیان نے ان توھین آمیز واقعات کی شدید مذمت کی ہے۔
رسول اکرم صلی اللہ علیہ وآلہ وسلم کے صحابیوں کے مزارات کی بےحرمتی کے خلاف بطور احتجاج ایران عراق اور شام میں دینی مدارس اور مراکز بند رھے۔ اس موقع پر طلبہ نے احتجاجی اجتماعات منعقد کیے اور دھشت گردی کے ان واقعات کی شدید مذمت کی۔
واضح رھے کہ سعودی عرب کے وھابی اور سلفی مفتی عبداللہ الترکی نے حال ھی میں ائمہ معصومین علیھم السلام کے خلاف شرم ناک اور توھین آمیز بیان دیا ہے اور حضرت علی علیہ السلام کی قبر کھودنے پر سلفی اور تکفیری گروھوں کو اکسایا ہے۔
