امیر دبئی شیخ محمد بن راشد آل مکتوم کی بیٹی لطیفہ بنت محمد آل مکتوم نے ایک ویڈیو جاری کرکے کہا ہے کہ ان کے والد نے انھیں یرغمال بنا لیا ہے۔
اس سے پہلے 2018 میں متحدہ عرب امارات سے ان کے نکلنے کا موضوع عالمی میڈیا کی سرخیوں میں تھا لیکن اس بار انھوں نے ویڈیو جاری کرکے کہا ہے کہ وہ ایک ویلا میں اپنے والد کی یرغمال ہیں۔
2018 میں جب وہ امارات سے نکلنے کی کوشش کر رہی تھیں تو ان کو پولیس نے گرفتار کر لیا تھا۔
دوسری جانب ایران کی ایک رکن پارلیمنٹ نے زہرہ الھیان نے دبئی کے امیر کی بیٹی کو ایران آنے کی تجویز دی ہے۔
انھوں نے ٹوئٹ کیا کہ ایران تشریف لائیں، آپ ایران میں ديگر خواتین کی طرح زندگی بسر کر سکتی ہیں اور کلاسوں میں شرکت کر سکتی ہیں۔
انھوں نے ٹوئٹ کیا کہ آزادی اور انسانی حقوق کی نعمت سے فائدہ اٹھا سکتی ہیں۔

Add comment