حکومت اور کسان تنظیموں کے درمیان جمعرات کے روز بھی ہونے والی چوتھے دور کے مذاکرات ناکام ہو گئے۔
ھندوستان کے زیرانتظام کشمیر کی سابق وزیر اعلیٰ اور پی ڈی پی کی صدر محبوبہ مفتی نے ٹویٹ کرتے ہوئے لکھا ہے کہ کسانوں کے احتجاج نے حکومت ہند کو گھٹنے ٹیکنے پر مجبور کر دیا ہے۔
انھوں نے کہا کہ بھارتیہ جنتا پارٹی عوام کی طاقت سے خوفزدہ ہے یہی وجہ ہے کہ دفعہ 370 کی منسوخی کے بعد کشمیر میں خوف و دھشت کا ماحول پیدا کیا گیا ہے۔
دوسری جانب حکومت اور کسان تنظیموں کے درمیان جمعرات کے روز ہونے والے چوتھے دور کے مذاکرات میں کوئی فیصلہ نہیں کیا جاسکا، تاہم وزیر زراعت کا کہنا ہے کہ 5 دسمبر کو پھر سے بات چیت ہوں گے۔
سات گھنٹے تک ہونے والے مذاکرات میں وزیر زراعت نریندر سنگھ تومر، خوراک و رسد کے وزیر پیوش گوئل اور وزیر مملکت برائے تجارت سوم پرکاش اور کسانوں کے چالیس نمائندوں نے شرکت کی۔
واضح رہے کہ ھزاروں کی تعداد میں کسان، گزشتہ سات دنوں سے دہلی کی سرحد پر موجود ہیں اور زراعتی اصلاحات کے قوانین کو واپس لینے کا مطالبہ کررہے ہیں۔

Add comment