فلسطین کی وزارت خارجہ نے عالمی برادری سے اسرائیل پر دباؤ ڈال کر ماہرالاخرس سمیت صھیونی جیلوں میں دباؤ کے شکار تمام فلسطینی قیدیوں کی رہائی کا مطالبہ کیا ہے۔
میڈیا رپورٹوں کے مطابق فلسطینی قیدی ماہر الا خرس نے صھیونیوں کے غیر انسانی سلوک اور تشدد آمیز رویئے کے خلاف چوراسی روز سے بھوک ہڑتال کر رکھی ہے۔
فلسطین کی وزارت خارجہ نے یہ بات زور دے کر کہی ہے کہ فلسطینی قیدیوں کے بارے میں صھیونی حکام کے غیر انسانی سلوک اور تشدد میں غیر معمولی اضافہ ہو رہا ہے۔
فلسطینی وزارت خارجہ کے مطابق صھیونی حکام ماہر الاخرس اور دیگر فلسطینی قیدیوں کی رہائی کی درخواستوں کو نظر انداز اور ان کے جینے کا حق سلب کرنے کی کوشش کر رہے ہیں۔
فلسطین کی وزارت خارجہ نے اقوام متحدہ سے مطالبہ کیا ہے کہ وہ فلسطینی عوام کے خلاف اسرائیلی جرائم کا مقدمہ درج اور صھیونی حکومت کو قرار واقعی سزا دے۔

Add comment