اٹلی کے ساحلی علاقے سسلی کے قریب غیر قانونی تارکین وطن کی کشتی ڈوبنے سے 370 افراد ھلاک اور لاپتہ ھوگئےہیں۔
غیر ملکی خبر رساں ادارے کے مطابق اٹلی کے ساحلی علاقے سسلی کے ایک جزیرے لمپیڈیسا کے قریب افریقا کے مختف ملکوں سے تعلق رکھنے والے غیر قانونی تارکین وطن کی کشتی خراب ھوگئی.
کشتی میں سوار افراد کی جانب سے اٹلی کی کوسٹ گارڈ اھلکاروں کی توجہ حاصل کرنے کے لئے آگ لگائی گئی جو تیز ھواؤں کے باعث تیزی سے پھیلنا شروع ھوگئی جس پر کشتی میں موجود افراد نے سمندر میں چھلانگیں لگادیں ۔
امدادی اداروں کے اھلکاروں کا کھنا تھا کہ ھلاک ھونے والوں میں خواتین اور بچوں کی بھی بڑی تعداد شامل ہے، حادثے کے وقت کشتی میں 500 سے زائد افراد سوار تھے جن میں صرف 130 افراد کو زندہ بچایا جاسکا ہے جب کہ دیگر کی تلاش جاری ہے تاھم ھلاکتوں میں بھت زیادہ اضافے کا خدشہ ہے۔
