پاکستان کی وزارت عظمیٰ کے لئےمسلم لیگ نون کے قائد میاں نواز شریف کا مقابلہ، پیپلز پارٹی کے امین فھیم اور پی ٹی آئی کے جاوید ھاشمی سے ھوگا۔
دوسری جانب ایم کیوایم نے ایوان میں اپوزیشن بنچوں کی درخواست دیدی ہے۔ وزارت عظمیٰ کے لئے تین امیدوار سامنے آگئے ہیں۔ مسلم لیگ نون کی جانب سے میاں نواز شریف کے کاغذات نامزدگی جمع کرائے گئے ہیں۔ محمود خان اچکزئی ، پیر صدرالدین شاہ، عباد اللہ ، اسحاق ڈار، خواجہ آصف ، خواجہ سعد رفیق اور انوشہ رحمان کی جانب سے نواز شریف کے کاغذات نامزدگی جمع کرائے گئے۔اس موقع پر میڈیا سے بات چیت کرتے ھوئے اسحق ڈار نے کھا کہ اگرمتفقہ وزیراعظم ھوجائے تو اچھی بات ہے، لیکن اگر ایسا نھیں ھوتا تو یہ بھی جمھوریت کا حسن ہے۔ پیپلزپارٹی کی طرف سے مخدوم امین فھیم نے کاغذات نامزدگی جمع کرائے ہیں۔ انھوں نے 5 مختلف کاغذات نامزدگی جمع کرائے ۔تحریک انصاف کی جانب سے وزارت عظمیٰ کے لئے جاوید ھاشمی نے کاغذات نامزدگی جمع کرائے ۔
جاوید ھاشمی کے تجویز کنندہ ڈاکٹر عارف علوی اور تائید کنندہ غلام سرور خان ہیں۔ نئے وزیر اعظم کا انتخاب آج قومی اسمبلی کے اجلاس میں کیا جائے گا۔ وزیر اعظم کا انتخاب خفیہ رائے شماری سے نھیں بلکہ ایوان کی تقسیم کے ذریعے ھوگا۔ ھر امیدوار کے لئے ایک لابی بنائی جائے گی اور اپنے امیدوار کو ووٹ دینے والے ارکان اس لابی میں چلے جائیں گے،ارکان کی گنتی کے بعد اسپیکر نتائج کا اعلان کریں گے۔
