اسرائیل نے یھودیوں کی نئی آبادکاری کا اعلان کر دیا ہے، جس سے امن کوششوں کو دھچکا پھنچا ہے۔
تفصیلات کے مطابق اسرائیل کی وزرات ھاوسنگ نے جمعرات کو کھا ہے کہ اس نے یھودی آبادکاری کیلئے مشرقی یروشلم میں 300 نئے مکانات تعمیر کرنے کی حتمی منظوری دیدی ہے، جبکہ مغربی کنارے میں بیت لحم کی نزدیک آٹھ سو گھر فروخت کے لئے پیش کئے جائیں گے جس سے اسرائیل اور فلسطین کے مابین امن کیلئے کی جانے والی کوششوں کو دھچکا پھنچے گا۔ امریکی وزارت خارجہ نے اسرائیل کے اس اقدام کو مشرق وسطٰی میں قیام امن کی کوششوں کیلئے نقصان دہ قرار دیا ہے۔ اسرائیل کی جانب سے مذکورہ تعمیراتی منصوبے کا اعلان امریکی وزیر خارجہ جان کیری کے اس بیان کے ایک ہفتے سے کم وقت گزر جانے کے بعد کیا گیا ہے جس میں انھوں نے اسرائیل کو اپنے مشرق وسطٰی کے دورے کے دوران اشتعال انگیز اقدامات سے اجتناب کرنے کو کھا تھا۔ دوسری جانب فلسطینی حکام نے کھا ہے کہ اسرائیلی آبادکاری کے اقدام سے فریقین میں امریکہ کی جانب سے کی جانے والی ثالثی کی کوششیں متاثر ھونگی۔
