شیعہ علماء کونسل کے سربراہ علامہ ساجد علی نقوی نے ایوان صدر میں صدر مملکت آصف علی زرداری سے ایک وفد کے ھمراہ ملاقات کی
اور اھم ملکی، سیاسی و قومی معاملات پر بات چیت کی ہے۔
ملاقات میں شیعہ علماء کونسل کے جنرل سیکرٹری علامہ عارف واحدی، وزارت حسین نقوی، علامہ رمضان توقیر اور علامہ مظھر حسین علوی موجود تھے۔
اس موقع پر سندھ اسمبلی کی سابق ڈپٹی اسپیکر شھلہ رضا اور سابق وزیر مذھبی امور سید خورشید شاہ بھی موجود تھے۔ ملاقات انتھائی خوشگوار ماحول میں ھوئی اور سیاسی صورتحال سمیت ملک کی مجموعی صورتحال پر تبادلہ خیال کیا گیا۔
ذرائع کا کھنا ہے کہ ملاقات میں اھم سیاسی ایشوز پر بھی بات چیت ھوئی اور آئندہ چند روز میں شیعہ علماء کونسل اپنی سیاسی پوزیشن کا باقاعدہ اعلان کریگی، امکان ظاھر کیا جا رھا ہے کہ شیعہ علماء کونسل پیپلزپارٹی کے ساتھ اتحاد کرلے گی۔
اس حوالے سے صدر مملکت کی طرف سے ایک کمیٹی بھی تشکیل دیدی گئی ہے، جو شیعہ علماء کونسل سے سیاسی معاملات کو آگے بڑھائے گی۔ واضح رھے کہ چند روز قبل صدر زرداری کی ھمشیرہ فریال تالپور علامہ ساجد نقوی سے ملاقات کرچکی ہیں، جس کے بعد صدر زرداری سے اس ملاقات کا اھتمام کیا گیا۔
