مسجدالاقصی کے خطیب نے جبری طور پر باب الرحمه کے نماز خانہ کو بند کرنے سے متعلق صھیونی حکومت کے فیصلے پر کڑی نکتہ چینی کی ہے۔
عربی 21 کی رپورٹ کے مطابق مسجدالاقصی کے خطیب شیخ عکرمه صبری نے کہا ہے کہ قدس کی غاصب اور جابر صھیونی حکومت اس کوشش میں ہے کہ نمازیوں پر دباو ڈال کر اور حملہ کر کے نمازیوں کیلئے باب الرحمه کے نماز خانہ کو بند کرے۔
انھوں نے کہا کہ کسی بھی طور فلسطینی باب الرحمه کو بند کرنے کی اجازت نہیں دیں گے اور صھیونی حکومت کے فیصلے کا بھرپور طریقے سے مقابلہ کیا جائے گا۔
یاد رہے کہ فلسطینی 2019 میں باب الرحمه کو کھولنے میں کامیاب ہوئے تھے۔
واضح رہے کہ فلسطینی و اسلامی تشخص کی حیثیت سے مسلمانوں کے قبلہ اول مسجد الاقصی کو غاصب صھیونی فوجیوں اور صھیونی آباد کاروں کی جانب سے ہمیشہ جارحیت کا نشانہ بنایا جاتا رہا ہے اور صھیونی حکومت، بیت المقدس کا اسلامی تشخص ختم کرکے اسے صھیونزم کے نمونے میں تبدیل کرنے کی کوشش کر رہی ہے۔

Add comment