غاصب صھیونی حکومت کے وزیر اعظم نیتن یاھو کے خلاف مظاہروں کا سلسلہ بدستور جاری ہے اور اس میں ہر گزرتے دن کے ساتھ جہاں شدت آرہی ہے وہیں مظاہرین نے اس عزم کا اظہار بھی کیا ہے کہ وہ نیتن یاھو کے مستعفی ہونے تک چین سے نہیں بیٹھیں گے۔
فارس خبر رساں ایجنسی کی رپورٹ کے مطابق غاصب صھیونی حکومت کے وزیر اعظم نیتن یاھو کے خلاف اسرائیل کے مختلف علاقوں میں کورونا کے پھیلاو اور لاک ڈاون کے دوران زبردست احتجاجی مظاہرہ ہوا۔
مقبوضہ فلسطین کے باشندوں نے سکیورٹی کے سخت حصار کے باوجود مظاہروں میں شرکت کی اور صھیونی وزیر اعظم نتن یاھو کے استعفے کا مطالبہ کیا اور ڈیموکریسی یا انقلاب اور نیتن یاھو کے استعفے تک چین سے نہیں بیٹھیں گے جیسے نعرے لگائے۔
ذرائع کا کہنا ہے کہ سکیورٹی فورسز نے نیتن یاھو کے گھر کی جانب جانے والے راستوں کو بند کرکے 8 مظاہرین کو گرفتار کر لیا ۔
اسرائیل کے زیر قبضہ مقبوضہ فلسطینی علاقوں میں گزشتہ کئی مہینے سے نیتن یاھو کی اقتصادی پالیسیوں، مالی بدعنوانیوں اور کورونا کی روک تھام میں ان کی ناقص کارکردگی کے خلاف مظاہرے ہو رہے ہیں ۔
مظاہرین، کورونا کے معاملے میں نتن یاھو کی کابینہ کی کمزور کارکردگی پر احتجاج کر رہے ہیں اور ان کی اور ان کی اہلیہ کی مالی بندعنوانی کے باعث جلد سے جلد ان کے استعفے کا مطالبہ کر رہے ہیں۔

Add comment