شام میں سرگرم سلفی وھابی دھشتگردوں نے فلسطینی تنظيم جھاد اسلامی کے رھنما شھید فتحی شقاقی کا مقبرہ منھدم کردیا ہے۔
مھر خبررساں ایجنسی نے براثا کے حوالے سے نقل کیا ہے کہ شام میں سرگرم باغی دھشتگردوں نے فلسطینی تنظيم جھاد اسلامی کے رھنما ڈاکٹر شھید فتحی شقاقی کا مقبرہ منھدم کردیا ہے۔
دھشت گردوں نے فلسطینی کیمپ یرموک میں شھداء کی قبروں کی بے حرمتی کرتے ھوئے شھید شقاقی کے مقبرے کو بھی منھدم کردیا، شھید فتحی شقاقی غزہ پٹی کے رفحہ کیمپ میں 1951 میں پیدا ھوئے۔ انھوں نے مصر میں ڈاکٹری کی تعلیم حاصل کی اور پھر فلسطینی تنظیم جھاد اسلامی کی تاسیس کی۔ شھید شقاقی کو 1983 سے لیکر 1986 تک کئی بار اسرائيلیوں نے گرفتار کیا، وہ 1988 میں لبنان چلے گئے اور 1995 میں مالٹ میں صھیونی ایجنٹوں نے انھیں شھید کردیا۔
اسلام ٹائمز کی رپورٹ کے مطابق شھید ڈاکٹر شقاقی کا مقبرہ تباہ کرنے سے ثابت ھوگیا ہے کہ دھشت گرد سنیوں کے بھی جانی دشمن ہیں۔ سلفی وھابی دھشت گردوں نے حال ھی میں صحابی رسول (ص) حضرت حجر بن عدی کے روضہ کو شھید کردیا اور ان کی قبر کی توھین اور بے حرمتی کی اور اس کے بعد ایک اور ھولناک جرم کا ارتکاب کرتے ھوئے ایک شامی فوجی کا سینہ چاک کرکے اس کے دل کو چبایا۔ ان سلفی دھشت گردوں کو سعودی عرب کی بھر پور حمایت حاصل ہے اور سعودی عرب سلفیوں کی تبلیغ کا اصلی گڑھ ہے۔
