غرب اردن کے شہر نابلس کے مشرق میں صھیونی بستیوں کی غیر قانونی تعمیرات کے خلاف احتجاج کرنے والے فلسطینیوں پرغاصب صھیونی فوجیوں کے حملے میں متعدد فلسطینیوں کے ساتھ ساتھ فلسطینی انتظامیہ کے وزیر محنت بھی زخمی ہو گئے-
معا نیوز ایجنسی کی رپورٹ کے مطابق نابلس کے مشرق میں واقع بیت دجن میں دفاعی امور کی کمیٹی کے سربراہ نصر ابوجیش نے کہا ہے کہ غاصب صھیونی حکومت کے فوجیوں نے بیت دجن میں غاصب صھیونی حکومت کے خلاف ہفتے وار احتجاج کرنے والے فلسطینیوں پر حملہ اور ان کے خلاف آنسو گیس کا استعال کیا جس کے نتیجے میں متعدد فلسطینیوں کی حالت غیر ہو گئی۔
انھوں نے کہا کہ اس احتجاج میں فلسطینی انتظامیہ کے وزیرمحنت بھی شریک تھے جو صھیونی فوجیوں کی گولیوں کا نشانہ بنے اور زخمی ہو گئے‎ جبکہ صھیونی فوجیوں نے ان کو زد وکوب بھی کیا جس کے بعد انھیں اسپتال منتقل کر دیا گیا۔
ابوجیش کے بقول پانچ فلسطینیوں کو بھی اسپتال منتقل کیا گیا جن میں سے تین صھیونی فوجیوں کی ربڑ کی گولیوں کا نشانہ بنے جبکہ دو دیگر کو شدید زدوکوب کئے جانے پر اسپتال منتقل کیا گیا۔

Add comment