یمن کی مسلح افواج کے ترجمان نے کہا ہے کہ یمن پر سعودی اتحاد کے حملوں کے جواب میں اس ملک کے ابھا اور ملک خالد ھوائی اڈوں میں سعودی ٹھکانوں پر بمباری کی گئی ہے۔
المسیرہ ٹی وی کی رپورٹ کے مطابق یمن کی مسلح افواج کے ترجمان نے اعلان کیا ہے کہ یمنی ڈرون طیاروں نے جمعے کے روز ملک خالد اور ابھا بین الاقوامی ھوائی اڈوں پر بمباری کی ہے۔
یہ حملے یمن پر سعودی اتحاد کی جارحیت اور اس ملک کے جاری ظالمانہ محاصرے کے جواب میں کئے گئے ہیں۔
یحیی سریع نے کہا کہ یمنی فوج اور عوامی رضاکار فورس نے جدہ میں آرامکو آئل کمپنی کی تنصیبات کوبھی نشانہ بنایا ہے۔
یمن کی مسلح افواج کے ترجمان یحیی سریع نے اس میزائل کے ٹھیک اپنے نشانے پر لگنے کا ذکر کرتے ہوئے کہا کہ یہ حملہ یمن پر وحشیانہ جارحیت اور اس ملک کے جاری ظالمانہ محاصرے کے جواب میں کیا گیا۔
واضح رہے کہ سعودی عرب نے امریکہ اور اسرائیل کی حمایت سے اور اتحادی ملکوں کے ساتھ مل کر چھبیس مارچ دو ھزار پندرہ سے یمن پر وحشیانہ جارحیتوں کا سلسلہ شروع کر رکھا ہے۔
اس دوران سعودی حملوں میں دسیوں ھزار یمنی شہری شھید اور زخمی ہوئے ہیں جبکہ دسیوں لاکھ یمنی باشندے اپنے گھر بار چھوڑنے پر مجبور ہوئے ہیں۔

Add comment