اسلامی جمھوریہ ایران نے ایک بار پھر عراق کے دارالحکومت بغداد میں گزشتہ روز ہونے والے دھشت گردانہ خود کش بم دھاکوں کی شدید مذمت کی ہے۔
ایران کی پارلیمنٹ مجلس شورائے اسلامی کے اسپیکر محمد باقر قالیباف نے اپنے عراقی ہم منصب محمد الحلبوسی کے نام ایک پیغام میں بغداد کے دھشت گردانہ خود کش بم دھماکوں کی مذمت کی۔
انھوں نے ان دھماکوں میں ہونے والے جانی نقصان پر تعزیت پیش کرتے ہوئے کہا کہ اسلامی جمھوریہ ایران ماضی کی طرح دھشت گردی کے خلاف مہم میں عراق کے ساتھ تعاون و مدد کے لئے آمادہ ہے اور ایران کا یہ تعاون بدستور جاری رہے گا۔
انھوں نے کہا کہ ایران کی مجلس شورائے اسلامی دھشت گردی کی لعنت کا خاتمہ کرنے کے لئے قانونی طریقوں کے ساتھ ضروری تعاون اور ہمفکری کے لئے مکمل تیار ہے۔
بغداد کے دھشت گردانہ بم دھماکوں کی ذمہ داری خونخوار دھشت گرد گروہ داعش نے قبول کی ہے۔

Add comment