عراق کی رضاکار فورس الحشدالشعبی نے کل صوبہ بابل پر داعش کے حملے کی کوشش ناکام بنا دی۔
الحشد الشعبی نے ایک بیان میں اعلان کیا ہے کہ اس کے جوانوں نے صوبہ بابل کے جرف النصر علاقے میں داعش دھشتگرد گروہ کا حملہ پسپا اور دھشتگردوں کو فرار کرنے پر مجبور کر دیا۔
عراق میں داعش دھشتگردوں کی شکست کے باوجود بعض علاقوں میں اس کے عناصر موجود ہیں اور اکا دکا دھشتگردانہ کارروائیاں کرتے رہتے ہیں۔
داعش دھشتگرد گروہ نے دوھزار چودہ میں امریکہ اور اس کے مغربی و عربی اتحادیوں کی مالی و اسلحہ جاتی مدد سے عراق پر حملہ کر کے اس ملک کے ایک بڑے حصے پر قبضہ کر لیا تھا اور بے پناہ ہولناک اور انسانیت سوز جرائم انجام دیئے ۔
عراقی فوج نے اسلامی جمھوریہ ایران کی مشاورتی مدد سے سترہ نومبر دوھزار سترہ کو عراق میں داعش کے آخری گڑھ راوہ شہر کو داعش کے قبضے سے آزاد کرانے کا اعلان کیا جس کے بعد عملی طور پر عراق سے داعشی تسلط کا خاتمہ کر دیا گیا۔

Add comment