چیچنیا کے مفتی اعظم نے فرانس کے صدر کو نمبر ایک دھشت گرد قرار دیا ہے۔
فرانس میں توھین آمیز خاکوں کی اشاعت اور فرانسیسی صدر کی جانب سے اس کی حمایت سے عالم اسلام میں غم و غصہ جاری ہے اور اسی تناظر میں چیچنیا کے مفتی اعظم نے انھیں "دنیا کا نمبر ایک دھشت گرد" قرار دیا ہے۔
ماسکو ٹائمز کی رپورٹ کے مطابق ، چیچنیا کے مفتی اعظم صلاح مضیف کا کہنا ہے کہ میکرون دنیا کے پہلے نمبر کے دھشت گرد ہیں ، کیونکہ انھوں نے پیغمبر اسلام﴿ص﴾ کی توھین کرکے تمام آسمانی مذاہب کی توھین کی ہے۔
مغرب کے اظہار رائے کی آزادی کے بارے میں دوہرے معیاروں کی تنقید کرتے ہوئے چیچنیا کے مفتی اعظم کا کہنا تھا کہ یہ کیسا انصاف ہے کہ آپ کروڑوں افراد کے مذہبی جذبات سے کھلواڑ کو اظہار رائے کی آزادی قرار دیتے ہیں لیکن ترکی کی جانب سے فرانسیسی صدر کے ذہنی مرض کے علاج کے مشورے پر انقرہ سے اپنا سفیر واپس بلا لیتے ہیں۔
انھوں نے مغربی سیاستدانوں پر زور دیا کہ وہ اپنی فاشسٹ ذہنیت اور نسل پرستی کو ترک کریں کیونکہ اب اس کا وقت گزر چکا ہے۔
مسلمان اپنے حقوق سے آگاہ ہو رہے ہیں اور وہ متحد ہوکر اسلام دشمن طاقتوں کے ہر ردعمل کا جواب دینے کے لئے تیار ہیں۔
دوسری جانب چیچنیا کے صدر رمضان قادر اف نے فرانسیسی صدر کے اسلام مخالف بیان کی تنقید کی اور کہا کہ اگر آپ کسی قاتل کو دھشت گرد قرار دے رہے ہیں تو آپ اس سے سو گنا بدترش ہیں کیونکہ آپ دھشت گردی کو جنم دیتے ہیں اور اسے تحفظ دیتے ہیں، آپ خود کو دھشت گردی کا رھبر کہہ سکتے ہیں۔

Add comment