www.Ishraaq.in (The world wide of Islamic philosophy and sciences)

وَأَشۡرَقَتِ ٱلۡأَرۡضُ بِنُورِ رَبِّهَا

808869
بحرین اور عرب امارات نے فلسطینی عوام کی امنگوں کا خون کرتے ہوئے منگل کے روز وھائٹ ہاوس میں امریکی صدر ٹرمپ کی موجودگی میں اسرائیل کے ساتھ سازشی معاہدے پر دستخط کئے۔
فارس خبر رساں ایجنسی کی رپورٹ کے مطابق عرب امارات کے وزیر خارجہ عبدالله بن زاید آل نهیان اور بحرین کے وزیر خارجہ عبدالطیف بن راشد الزیانی اور غاصب اسرائیل کے وزیر اعظم بن یامین نیتن یاھو نے وھائٹ ہاوس میں اس سازشی معاہدے پر دستخط کئے۔ جس کے بعد امریکہ نے بھی ابراھام کے نام سے موسوم اس معاہدے پر دستخط کیا۔
وھائٹ ہاوس میں جب اس سازشی معاہدے پر دستخط ہو رہے تھے تو وھائٹ ہاوس کے باہر زبردست احتجاجی مظاہرے ہوئے اور اسرائیل کے خلاف اور فلسطینیوں کے حق میں نعرے لگائے گئے اور فلسطینیوں کے حقوق سے چشم پوشی کرنے کی مذمت کی گئی۔
واشنگٹن میں ہونے والے اس معاہدے پر دستخطوں کی تقریب کے بعد قدس کا سودا کرنے والی عرب ریاستوں کی تعداد اب 4 ہوگئی ہے۔
اس سے قبل مصر 1979 اور اردن 1994 میں اسرائیل کو تسلیم کرچکے ہیں۔
واضح رھے کہ اسرائیل کے ساتھ عرب امارات اور بحرین کی جانب سے روابط کی برقراری کے خلاف عالمی سطح پر احتجاج کا سلسلہ جاری ہے۔

Add comment


Security code
Refresh