امریکی حکومت کی جانب سے ایران ،پاکستان گیس پائپ لائن منصوبے پر تحفظات کے اظھار اور پاکستان پر اقتصادی پابندیاں
عائد کرنے پرپاکستان کی سیاسی عسکری قیادت نے سخت ردعمل ظاھر کرتے ھوئے امریکہ کی طرف سے پابندیاں لگانے کی دھمکی کامنہ توڑ جواب دینے کافیصلہ کیا ہے۔
اطلاعات کے مطابق پاکستان کی سیاسی وعسکری قیادت کی جانب سے امریکہ پرواضح کیا جا رھاہے کہ پاکستان پرکوئی پابندی لگائی گئی تو پاکستان دھشت گردی کے خلاف جنگ میں امریکا سے ھر طرح کا تعاون ختم کر دے گا اور پاکستان کی طرف سے فراھم کردہ تمام سھولیات بھی ختم کر دی جائیں گی۔
ادھر امریکہ میں پاکستانی سفیرشیری رحمن ایران،پاکستان گیس پائپ لائن کاسنگ بنیاد رکھے جانے کی تقریب میں شرکت کے بعد اسلام آبادپھنچ گئی ہیں۔
سفارتی ذرائع کے مطابق شیری رحمٰن نے صدرزرداری کوامریکی حکام کے اس منصوبے پرردعمل کے بارے میں تفصیلی بریفنگ دی ہے۔ شیری رحمن ایک دو روزمیں پاکستان کے وزیر اعظم، وزیر خارجہ اوراعلیٰ فوجی قیادت سے بھی ملاقات کریں گی۔ان ملاقاتوں میں امریکی دباؤکے مقابلے کے لئے پاکستانی حکمت عملی وضع کی جائے گی۔
