غاصب صھیونی حکومت نے اقوام متحدہ کی سلامتی کونسل کی قرارداد 1701 کی خلاف ورزی کرتے ہوئے پیر کو لبنان کی فضائی حدود میں جارحیت کا ارتکاب کیا۔
آئی آر آئی بی کی رپورٹ کے مطابق صھیونی حکومت کے جنگی طیاروں نے پیر کو لبنان کے مختلف علاقوں خاص طور سے حاصبیا، العرقوب اور جبل الشیخ کی چوٹیوں پر فضا میں متعدد بار جاسوسی کی پروازیں انجام دیں ۔
لبنان کی حدود میں صھیونی حکومت کے جنگی طیاروں کی جارحیت کے باوجود وہاں تعینات اقوام متحدہ کی امن محافظ فوج یونیفل نے کوئی ایکشن نہیں لیا -
یاد رہے کہ 2006 میں سلامتی کونسل کی قرار داد 1701 پاس ہونے کے بعد لبنان کی 33 روزہ جنگ ختم ہوئی تھی اور اس قرارداد میں صراحت کے ساتھ صھیونی حکومت سے کہا گیا ہےکہ وہ لبنان پر ہر طرح کی جارحیت سے باز رہے لیکن صھیونی حکومت سلامتی کونسل کی اس قرارداد کی پروا کئے بغیر لبنان کی فضائی، زمینی اور سمندری حدود کی خلاف ورزی کرتی رہتی ہے-
لبنان نے ہمیشہ عالمی اداروں سے کہا ہے کہ وہ صھیونی حکومت کو اس طرح کی جارحیت کا ارتکاب کرنے سے باز رکھیں -

Add comment