اخبار نے بزنس ایگزیکٹو، کلب ارکان، لابنگ کرنے والوں اور ٹرمپ کی جائیدادوں کے ملازمین سمیت ڈھائی سو افراد سے انٹرویو کیے۔
نیویارک ٹائمز کی رپورٹ کے مطابق امریکی صدر ٹرمپ کے فیملی بزنس نے کاروباری شخصیات سے لاکھوں ڈالر کا فائدہ اٹھایا جن کا ٹرمپ انتظامیہ سے کوئی نہ کوئی کام پڑ سکتا تھا، ایسے صرف 60 کاروباری شخصیات نے ٹرمپ حکومت کے پہلے دو برسوں میں ٹرمپ کے کاروبار کو ایک کروڑ 20 لاکھ ڈالر کا فائدہ پہنچایا۔
ڈونلڈ ٹرمپ نے اپنی صدارت کے دوران ہر چار میں سے ایک دن یا تقریباً چار سو روز اپنے ہوٹلوں اور ریزورٹس پر گزارے۔
ٹرمپ کے بزنس کو فائدہ پہنچانے والوں میں غیرملکی سیاست دان، فلوریڈا میں چینی کے کاروبار سے وابستہ امراء، ایک چینی ارب پتی، سربیا کا ایک شہزادہ اور ٹھیکے حاصل کرنے کے خواہش مند افراد شامل ہیں۔
واضح رہے کہ امریکہ کو کرپشن سے پاک کرنے کا دعویٰ کرنے والے ڈونلڈ ٹرمپ نے وعدہ کیا تھا کہ وہ صدر منتخب ہونے کے بعد اپنے کاروبار سے علیحدہ ہو جائیں گے مگر وہ وائٹ ہاؤس سے اپنے کاروبار کا بھی جائزہ لیتے رہے۔
انھوں نے 200 سے زائد کمپنیوں، مخصوص گروہوں اور غیر ملکی حکومتوں کو فائدہ پہنچایا اور بدلے میں ٹرمپ نے ان سے اپنے مفادات حاصل کئے۔

Add comment