ایران کے صدر ڈاکٹر حسن روحانی نے حکومت امریکہ کی خودپسندی کا مقابلہ کئے جانے کی ضرورت پر زور دیتے ھوئے کھا ہے کہ امریکیوں کو جان لینا چاھئے کہ وہ تاوان ادا کئے بغیر کسی بین الاقوامی معاھدے سے باھر نھیں نکل سکتے۔
ڈاکٹر حسن روحانی نے جمعرات کی شام ترکی کے صدر رجب طیب اردوغان سے ٹیلی فون پر گفتگو کرتے ھوئے کھا ہے کہ آئی اے ای اے کی گیارہ رپورٹوں کے مطابق ایران نے ایٹمی معاھدے پر مکمل طور پر عمل کیا ہے۔
انھوں نے کھا کہ ایٹمی معاھدے کو اقوام متحدہ کی حمایت حاصل رھی ہے مگر قابل افسوس بات یہ ہے کہ امریکہ نے اس معاھدے کی خلاف ورزی کی اور اس بین الاقوامی معاھدے سے یکطرفہ طور پر باھر نکل گیا اور عالمی رھنماؤں سے ھماری یھی توقع ہے کہ وہ امریکی صدر کے اس اقدام کی مذمت کریں گے۔
ڈاکٹر روحانی نے کھا کہ یورپی ملکوں خاص طور سے ایران کے ساتھ ایٹمی معاھدے کے فریق ملکوں کے پاس اب وقت کم بچا ہے کہ وہ ایٹمی معاھدے سے امریکہ کے نکلنے کا ازالہ اور اس سلسلے میں اپنے موقف کا اعلان کریں۔
انھوں نے کھا کہ ایرانی قوم کے خلاف کسی بھی طرح کی پابندی اقوام متحدہ کی قرارداد بائیس اکتّیس کے خلاف ہے۔
اس ٹیلیفونی گفتگو میں ترکی کے صدر رجب طیب اردوغان نے بھی اس بات کا ذکر کرتے ھوئے کہ امریکہ اپنے اس فیصلے میں خود شکست کھائے گا، ایٹمی معاھدے کے بارے میں ایران کے موقف کو سراھا اور کھا کہ ایٹمی معاھدے کو باقی رکھنے کے لئے مذاکرات عالمی اور علاقائی امن و سلامتی کے لئے ضروری ہیں۔

Add comment