المسیرہ ٹیلی ویژن چینل نے خبر دی ہے کہ یمنی فوج کے اسنائپروں نے سعودی عرب کے جنوبی علاقے جازان کے حامضہ نامی گاؤں میں سعودی فوجیوں کے خلاف اپنی کارروائیاں جاری رکھتے ھوئے کم سے کم چار سعودی فوجیوں کو موت کے گھاٹ اتار دیا-
یمنی فوج کے اسنائپروں نے جازان کے ھی قوی نامی گاؤں میں مزید چار سعودی فوجیوں کو ھلاک کر دیا-
دوسری جانب المیادین ٹیلی ویژن چینل نے خبر دی ہے کہ صوبہ الحدیدہ کے علاقے التحیتا میں سعودی عرب کے ھوائی حملے میں ایک یمنی شھری شھید اور تین دیگر زخمی ھو گئے-
سعودی عرب نے امریکا کی حمایت سے چند ملکوں کے ساتھ مل کر مارچ دو ھزار پندرہ سے یمن پر وحشیانہ حملے شروع کر رکھے ہیں اور اس دوران سعودی عرب اور اس کے اتحادیوں نے یمن کا چاروں طرف سے شدید محاصرہ بھی کر رکھا ہے-
یمن پر جارح سعودی اتحاد کے وحشیانہ حملوں میں دسیوں ھزار یمنی شھری شھید اور زخمی ھو چکے ہیں جبکہ دسیوں لاکھ افراد بےگھر ھوئے ہیں- ان وحشیانہ حملوں کے باوجود یمنی فوج اور عوامی رضاکار فورس نے اب تک سعودی عرب اور اس کے اتحادیوں کا ڈٹ کر مقابلہ کیا ہے-

Add comment