اسلامی جمھوریہ ایران کی مسلح افواج کے سربراہ جنرل باقری اور پاکستان کے آرمی چیف جنرل باجوہ نے اسلام آباد میں ھونے والی اپنی ملاقات میں دوطرفہ دفاعی تعاون سمیت اھم علاقائی اور سرحدی سیکورٹی کے معاملات پر بات چیت کی۔
اسلامی جمھوریہ ایران کی مسلح افواج کے سربراہ جنرل محمد باقری نے پاکستان کے آرمی چیف سے ملاقات میں پاکستان میں حالیہ دھشت گردانہ حملوں کی مذمت کرتے ھوئے دفاعی اور فوجی ٹریننگ کے میدانوں میں باھمی تعاون کو فروغ دینے کی ضرورت پر زور دیا ۔
پاکستان کے آرمی چیف جنرل قمرجاوید باجوہ نے بھی اس ملاقات میں ایران اور پاکستان کے دفاعی تعاون کی سطح کو بڑھانے کو ضروری قراردیا اور کھا کہ دونوں ملکوں کا تعاون علاقےمیں امن و استحکام کی صورتحال پر مثبت اثرات مرتب کرتا ہے ۔
ایران کی مسلح افواج کے سربراہ جنرل باقری اور ان کے ھمراہ وفد جو اتوار کو سرکاری دورے پر پاکستان پھنچا ہے پاکستان کے صدر ممنون حسین سے ملاقات کرنے کے ساتھ دیگر پاکستانی حکام سے ملاقاتیں کرے گا ۔

Add comment