www.Ishraaq.in (The world wide of Islamic philosophy and sciences)

وَأَشۡرَقَتِ ٱلۡأَرۡضُ بِنُورِ رَبِّهَا

826519
شامی کردوں نے ملک کے مشرقی علاقوں کی تیل کی تنصیبات شامی حکومت کے حوالے کرنے پر رضامندی ظاھر کردی ہے۔
شام کے ذرائع ابلاغ نے خبردی ہے کہ قامشلی، حسکہ، رقہ، طبقہ اور شدادی علاقوں میں جو شامی کردوں کے زیرکنٹرول علاقے ہیں شامی حکومت اور کردوں کے نمائندوں کے درمیان ھونے والے طویل مذاکرات کے بعد کردوں کی مقامی انتظامیہ نے شامی حکومت کے ساتھ اس بات پر اتفاق کرلیا ہے کہ حسکہ میں آئل تنصیبات کا انتظام شامی حکومت کے حوالے کردیا جائےگا اور شامی حکومت بھی ان علاقوں میں صرف انھی لوگوں کو تیل فروخت کرے گی جن کے بارے میں دونوں فریقوں نے سمجھوتہ کیا ہے۔
شام کے بعض ذرائع ابلاغ نے یہ بھی خبردی ہے کہ دمشق حکومت کی طرف سے ڈیم تعمیر کرنے والے ماھرین کی ایک ٹیم صوبہ رقہ کے شھر طبقہ پھنچ گئی ہے اور اس نے طبقہ ڈیم کی انتظامی کمیٹی کے عھدیداروں کے ساتھ مذاکرات بھی انجام دئے ہیں۔
خبروں کے مطابق شامی حکومت کی یہ ٹیم طبقہ ڈیم کا معائنہ کرنے کے بعد جنوب مشرقی شھر منبج جائے گی جھاں وہ تشرین ڈیم کا معائنہ کرنے گی۔ منبج شھر بھی کردوں کے کنٹرول میں ہے۔
خبروں میں کھا گیا ہے کہ کردوں کے ساتھ امریکا کی پئے درپئے غداری اور شامی کردوں کے زیرکنٹرول علاقوں پر ترکی کا تسلط قائم کرانے کے لئے انقرہ کے ساتھ امریکا کی ڈیل کی وجہ سے ھی شامی کرد اس بات پر مجبور ھوئے ہیں کہ وہ اپنے زیرکنٹرول باقی بچے علاقوں کو شامی حکومت کے حوالے کردیں۔

Add comment


Security code
Refresh